Онгоцны ажилчдыг шүүх хурал өчигдөрөөс эхэлсэн бөгөөд өнөөдөр ч үргэлжилсээр байгаа юм. Урьдчилсан дүгнэлтээр хөлгийн ахмад болон багийн гурван ажилтанд хуулийн дээд хэмжээ оноох гэж байгаа юм байна. Ахмад Игийн хамгийн том гэм буруу нь осол гарч зорчигчдын амь нас дээсэн дөрөөн дээр байхад орхиж явсан, хар амиа хоохойлсон нь юм.

Мөрдөн байцаалтын явцад ахмад И худал мэдүүлэг өгснөөс гадна өөрийнхөө гэм бурууг хүлээн зөвшөөрөөгүйн дээр огт гэмшиж, харуусахгүй байсныг БНСУ-ын яллагчид онцолж байгаа аж. Харин хохирогчдын ар гэрийнхэн өнөөг хүртэл гомдолтой яваа шалтгаан нь хөлөг осолдох үед ахмад зөв зааварчилгаа өгсөн бол хүүхдүүд минь амьд мэнд байх байсан. 300 хүний алтан амийг авсан нүгэлт хүн үхсэн ч багадна хэмээн мэдэгдэж байгаа юм.