Өдгөө 20 настай Британи модель Александра Робертсон өөрийнхөө хөлийг дэлхийн хамгийн урт нь хэмээн тодорхойлсон учир албан ёсны эрх бүхий хүмүүсээр хөлөө хэмжүүлжээ. Түүний хөл нийт 47 инчийн урттай бөгөөд харин өндөр нь 185 см ажээ. 

"Хүмүүс надаас дандаа л чи сагс тоглодог уу? гэж асуудаг. Харин би эргэж хараад, үгүй ээ харин чи голф тоглодог уу? гэж асуун, хүмүүсийг инээлгэдэг."- Александра Робертсон 

Тэрээр өөрт таарсан хувцсыг олж өмсөхдөө нилээдгүй бэрхшээлтэй тулгардаг ч өөрийн өвөрмөц төрхөндөө сэтгэл хангалуун байгаа нь олон эмэгтэйчүүдэд эерэг нөлөө үзүүлж буй хэмээн хүмүүс үзэж байгаа аж. Учир нь АНУ-ын нийт эмэгтэйчүүдийн 91 хувь нь өөрсдийн бие галбирт сэтгэл хангалуун бус байдаг байна.