Их Британид 18 настай охин амиа егүүтгэжээ. Ханна Карпентерийн гэр бүлийнхэн телевиз, сэтгүүлд хэт туранхай, гуалиг бүсгүйчүүдийн зураг нийтэлсний улмаас олон хүн хохирогч болсны нэг нь Ханна гэж мэдэгдсэн байна. Охин 13 насандаа л туранхай харагдахыг хэт хүссэнээс улбаалан хооллолтын буруу хэв маягтай болж, эмчилгээ хийлгэж байжээ. Охиныг амиа егүүтгэсний дараа гар утаснаас нь олон зуун селфи зураг, селфи бичлэгүүдийг олсон байна. Ханна өөрийнхөө хөл, гар гээд биеийн бүх өнцгүүдээ олон талаас нь авч би эндээс бүдүүн харагдаж байна уу гэсэн асуултыг олон давтаж байсан гэнэ. Мөн охины Фэйсбүүкээс нь биеийн жинтэй нь холбож гутаан доромжилсон сэтгэгдэл бичсэн хүмүүсийг олж тогтоосон байна.