Лолита. Модон чихэртэй охин. Модон чихэртэй Лолита охины тухай зохиолч Владимир Набоковын бүтээлийг Олимпиа Пресс компани анх 1955 онд хэвлэн олны хүртээл болгожээ. Зохиолч энэхүү номынхоо нүүрийг энгийн ногоон өнгөтэй, даруухан байгалийн зурагтайгаар хэвлүүлсэн байна. Харин өнгөрсөн 60 жилийн хугацаанд Лолита номын хавтасны зураг олон зуун өөр янзаар гарчээ. Гэхдээ сэдэв дүрслэл нь бүгд ижилхэн. Модон чихэр, уруул, уруулын будаг, жаахан охидын үсний боолт, дотуур өмд, усан онгоц, зүрхэн хэлбэртэй нүдний шил, гүзээлзгэнэ, ягаан өнгө.