Төгс гэгээрсэн их багш Чин Хай хэмээн хүндлэн дээдэлж, түүний зурагтай сахиус зүүдэг, долоо хоног бүр цугларч бясалгадаг цагаан хоолтон хүмүүс Монгол улсад олон бий.

Энэ хүний хачирхалтай мэдэгдлийн тухай МОНГОЛ ХЭЛЭЭР ХЭВЛЭГДСЭН шинжлэх ухаан танин мэдэхүйн "Байгаль орчин амьдрал" сэтгүүл нэгэн нийтлэлдээ дурдсан байна. "Аргалын утаа 300-аад нянг устгах чадвартайг Японы эрдэмтэд судалж тогтоожээ" гарчигтай нийтлэлд Их багш Чин Хай "Монголын малын өтөг бууцнаас ялгарч байгаа хүлэмжийн хий озоны давхаргыг цоолж дэлхийд дулаарал үүсгэх нэг үндэс болж байна” гэснийг манай төр засгийн эрхмүүд болон эрдэмтэд хүлээн зөвшөөрч дэмжсэн тухай нийтэлсэн байна.