Сүүлийн үед тогтвортой байсан махны үнэ өслөө. Хүчит шонхороос бусад зах худалдааны төвүүдэд ястай, хонины  мах 1 кг нь 7500 байсан бол 8500 болжээ.

Нийслэлийн статистикийн газрын мэдээлснээр энэ сарын I долоо хоногт хонины ястай мах нэг килограмм нь дунджаар 8082 төгрөг, үхрийн ястай мах нэг килограмм нь дунджаар 10017 төгрөгийн үнэтэй байв.

Өмнөх долоо хоногийн ажиглалтаар үхрийн ястай мах “Баянзүрх”, “Хүчит шонхор” хүнсний захуудад хамгийн хямд буюу 8500 төгрөг, Харин “Меркури” хүнсний захад хамгийн өндөр үнэтэй буюу 11800 төгрөг байна.