Усанд живж байсан хүүхдийг аварч олон нийтийн дунд хайр хүндлэлийг хүлээсэн Ж.Тэмүүжин хүүг “Авьяас” алтан медалиар шагнажээ.  Уг шагналыг Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газрын зүгээс шагнасан бөгөөд долдугаар сарын 24-ний өдөр гардуулан өгчээ. Ж.Тэмүүжин хүү өөрийн сонирхлоор усанд сэлж сурсан бөгөөд хүүхэд живж байгааг хараад сандарсандаа шууд л ус руу орсон гэнэ. Тэрбээр аялаж, зугаалахадаа үр хүүхдэдээ тавих анхаарлаа хором ч алдалгүй санаа тавьж, үер усны аюулаас урьдчилан сэргийлэхийг  уриаллаа.