Энэ сарын 30-нд Монгол Улсын Ерөнхийлөгч Х.Баттулга АНУ-д айлчлал хийхээр төлөвлөсөн байна. Нийт дөрвөн өдөр үргэлжлэх айлчлал нь  Монголын ноос ноолууран бүтээгдэхүүнийг татваргүй оруулах асуудлаар АНУ-тай яриа хэлэлцээ хийх юм. Учир нь  АНУ-ын Конгрессын нэр бүхий гишүүд энэ оны дөрөвдүгээр сард Монгол Улс-АНУ-ын хоорондох сүлжмэл бүтээгдэхүүний худалдааг нэмэгдүүлэх зорилготой гуравдагч хөршийн худалдааны хуулийг дахин хэлэлцүүлэхээр Конгресст өргөн барьсан билээ. Тус хуулийн төслийг Монгол Улсын Ерөнхийлөгч Х.Баттулга дэмжиж байгаагаа илэрхийлж байв.