Монгол улсын Засгийн тогтоолын дагуу ЭМЯ, ХӨСҮТ, НЭМҮТ, ЭХЭМҮТ, ЭМДЕГ, НЭМГ хамтран хэрэгжүүлж буй “Тэмбүүг устгая” үйл ажиллагааны хүрээнд хэд хэдэн ажил зохион байгуулагдаж байгаа билээ. Тухайлбал, Булган, Баянхонгор аймгуудад заг хүйтэн өвчний өсгөвөр шинжилгээ мөн трихомониаз оношлох аргуудыг практикт шинээр нэвтрүүлжээ.

Өмнөговь аймгийн Ханбогд суманд 693 хүнд үзлэг шинжилгээ хийн 17 тэмбүү, 22 заг хүйтэн, 6 трихомониаз өвчин илрүүлэн бэлгийн хосын хамт эмчлэв. Мөн Өмнөговь аймгийн Гурван тэс суманд 553 хүнд үзлэг шинжилгээ хийн 6 тэмбүү, 4 заг хүйтэн, 6 трихомониаз, 95 нянгийн гаралтай үтрээний үрэвсэл, 24 мөөгөнцөр өвчин илрүүлэн бэлгийн хосын хамт эмчилсэн аж. “ХДХВ- халдвар илрүүлэх шинжилгээг duol хурдавчилсан тестээр хийх арга, аргачлал” сэдвээр онлайн сургалтыг 15 аймгийн 96 эмч мэргэжилтэнд хийсэн байна.