Олон улсын оюутны спортын холбооны Гүйцэтгэх зөвлөлийн хуралдаан Италийн Неаполь хотод боллоо. Тус хуралдаанаар 2023 онд болох дэлхийн оюутны наадмыг зохион байгуулах эрхийг ОХУ-ын Екатеринбург хотод санал нэгтэй өгчээ. ОХУ нь Оюутны зуны спортын наадмыг хоёр дахь удаагаа хүлээн авах гэж байна. 2013 онд Казань хотод тус наадам болж байсан удаатай. 2023 оны наадамд тамирчид бадминтон, сагсан бөмбөг, усан поло, волейбол, жүдо, хөнгөн атлетик, ширээний теннис, усанд сэлэлт, усанд үсрэлт, спортын гимнастик, байт харваа, теннис, таэквондо, туялзуур сэлэм, уран сайхны гимнастик гэсэн 15 төрөлд өрсөлдөх юм.