Японы Кюсю арал дээр хэдэн өдрийн туршид хүчтэй аадар бороо орж байна. Борооны улмаас хур тунадас ихээр орсон тул оршин суугчдыг үер, хөрсний гулгалтад бэлэн байхыг анхааруулжээ. Мужийн захирагчийн шийдвэрээр Кагосима, Кирисима, Аира гэсэн гурван хотын 728 мянган оршин суугчийг нүүлгэн шилжүүлэхээр боллоо. "Байгалийн гамшиг нүүрлэх аюул өндөр байгаа тул түгшүүрийн дохио хүлээлгүйгээр аюултай бүс нутгаас нүүхийг хүсч байна” хэмээн Японы цаг уурын газраас мэдэгдсэн байна.