Хүзүү хөших, хуян ус хөөрөх гэдэг нь хүзүүний булчингийн чангарал, өвдөлт үрэвсэл юм.Хүзүүний булчин чангарч хөшсөн, тэр байдал нь толгой, дал, мөр рүү дамжиж, архаг толгойн өвдөлт, сээр, мөрний булчингийн өвдөлтийг үүсгэдэг байна.

Дээрх өвчин зовиурыг үүсгэх шалтгаан нь амьдралын буруу хэвшил, ажлын нөхцөл Тухайлбал:

• Компьютерийн болон бичгийн ажилтай оюуны хөдөлмөр эрхэлдэг хүмүүс
• Жолооч
• Оёдолчин зэрэг мэргэжлийнхэн удаан хугацаанд олон цагаар амралтгүй сууснаас хүзүү хөшиж толгой өвддөг.

Иймд хүзүүний өвдөлтийг уламжлалт эмчилгээний болон сэргээн засах эмчилгээний аргууд болох массаж, бумба шивүүр, зүү төөнө, халуун жин, нам давтамжтай цахилгаан, дулаан эмчилгээгээр үр дүнтэй эмчлүүлбэл зохимжтой байдаг аж.

Гэвч эдгээр эмчилгээг хийхийн хамт дэглэм эмчилгээ, хүзүүний дасгал хөдөлгөөн, зөв амралт, буруу зуршлаа орхих нь шалтгааны эсрэг хамгийн үр дүнтэй эмчилгээ болдог байна. Ингээд хүзүүний булчин чангарч хөшсөн үед ямар дасгал хийх ёстойг харуулъя.