Yahoo Messenger-ийг хаахаар болжээ. Өнгөрсөн жил iOS, Android үйлдлийн систем ашигладаг төхөөрөмжүүдэд Yahoo Messenger үйлчилгээг ашиглахыг зогсоож байсан. Тиймээс хэрэглэгчээ алдахын зэрэгцээ ашиглагдахгүй болсон Messenger-ийг хаахаас өөр аргагүй болсон Yahoo корпорацийнхан эхний ээлжинд Yahoo Messenger-ийг татаж авах, нэвтрэх эрхийг хязгаарлан улмаар бүрмөсөн устгахаар төлөвлөжээ.

Ийнхүү нэгэн цагт текст мессеж бичих, дүрс болон видеог богино хугацаанд илгээх боломж олгож байсан Yahoo Messenger-тэй ирэх долдугаар сарын 17-нд албан ёсоор салах ёс гүйцэтгэх болох нь ээ. Гэхдээ Yahoo Messenger-ийг устгах нь Yahoo Mail, Yahoo Fantasy зэрэг үйлчилгээнүүдэд нь хамаарахгүй юм.