“Жигүүр гранд” группийн Ерөнхийлөгч Д.Баттөрийг “зангарагтай эр хүн” гэж таньдаг, мэддэг хүмүүс нь ярих нь үнэн бололтой. Тус группийнхэн өнгөрсөн 29 жилийн хугацаанд нийт 100гаруй ажилтанд орон сууц өгчээ. Тэгвэл өнөөдөр Жигүүр Грандчууд 29 жилийн ойгоо угтан ажил үйлсээрээ манлайлан ажиллаж буй таван ажилтандаа өөрсдийн хэрэгжүүлж буй “Шилдэг орон сууц”-ны төсөл болох “Парк Вью” хотхонд 2-4 өрөө байр бэлэглэжээ.

“Жигүүр Гранд Групп” нь зөвхөн монгол инженерийн шийдлээр 100 хувь Монгол ажилчдыг нэгтгэн 30 орчим жил үйл ажиллагаа явуулж байгаа бөгөөд өдгөө 1000 гаруй ажилтантай үндэсний шилдэг бүтээн байгуулагч компани юм. Иймдээ ч Монголын барилгын салбарт 8000 гаруй чадварлаг боловсон хүчинг бэлтгэн жил бүр шилдэг ажил олгогч, үндэсний хөрөнгө оруулагч, шилдэг бүтээн байгуулагч компаниар шалгардаг биз ээ.