Арабын нэгдсэн Эмират улсын Абу Даби хотноо болсон Жюү жицүгийн дэлхийн хүүхдийн их наадамд эх орноо төлөөлөн оролцсон Монголын хамгийн отгон тамирчин зургаан настай А.Хүслэн дэлхийн аварга боллоо. Тэрээр Kids-2 ангиллын 23 кг-ийн жинд алтан медаль хүртсэн байна.

Түүнчлэн тэмцээнд дэлхийн 1000 гаруй тамирчин оролцсон бөгөөд манай улсаас 30 тамирчин өрсөлдөж, 17 алт, 7 мөнгө, 8 хүрэл медаль хүртээд байна.

Тухайлбал,

• "Garuda" клубын тамирчид болох төрсөн ах дүү Б.Алтан-Эрдэнэ
• Б.Ган-Эрдэнэ нар алт, мөнгөн медаль
• "MONDE BJJ" клубын тамирчин Ж.Цэгмид мөнгөн медаль
• Сэлэнгэ аймгийн "Шинэ Бадрах" дэвжээний тамирчин З.Содбилэг алт
• Цагаан бүсний ангилалд Л.Соёмбо хүрэл медаль
• Цагаан бүсний М2 ангиллын 77кг жинд Л.Соёмбо хүрэл медаль
• Цагаан бүсний 62кг жинд Хилчин спорт хороо Гаруда клубын тамирчин Г.Монголжин хүрэл
• Охидын шар бүсний Т.Ариунзаяа алтан медаль, Нандин-Эрдэнэ алт, Энхбулаг мөнгөн медаль тус тус хүртсэн байна.