100 мянган ам.долларын үнэтэй пүүз байдаг гэхээр гайхмаар биш гэж үү? Зарим хүмүүс ийм өндөр үнээр ганц пүүз авах нь галзуурсан хэрэг гэж бодож байж болох юм. Гэвч хүмүүс худалдан авсаар л байна.Тэгвэл энэ пүүз яагаад ийм үнээр зарагдах болсныг сонирхоцгооё.

1. “Air Jordan 12 Flu Game”- 104.000$ (250сая)

1997 оны НБА-ын финал буюу Майкл Жорданы алдарт ханиадтай байхдаа өмсөж тоглож байсан пүүз дуудлага худалдаанд орж 104.765 долларын үнэ хүрсэн байна. Ийнхүү спортын түүхэн дэх хамгийн өндөр үнэ хүрсэн пүүз болжээ.

Майкл Жордан ханиадны улмаас тус тоглолтыг өнжихөө шахсан хэдий ч талбай дээр гарч тоглон Юта Жаззын эсрэг 38 оноо авч байсан юм. Энэхүү  пүүзийг Грэй Фаннел хэмээх хүн эзэмшиж байсан бөгөөд Юта Жазз багийн ордны туслахаар ажилладаг байсан Престон Труманаас анх тэрхүү пүүзийг авч байжээ.