Хүмүүсийн дунд “BFF” гэж бичээд ногоон өнгөтэй байвал нууц үг нь нууцлал сайтай, өөр өнгөтэй бол нууцлал муу гэсэн мэдээлэл цахим орчинд тархаад буй. 

Тэр ч бүү хэл “Facebook-ийн гүйцэтгэх захирал Марк Цукерберг BFF хэмээх үгийг зохиожээ. Энэ үг нь таны хаяг аюулгүй байгаа эсэхийг илтгэх бөгөөд сэтгэгдэл хэсэгт BFF гэж бичиж үзээрэй. Хэрвээ ногоон өнгөөр гарч байвал аюулгүй, ногоон биш байвал нууц үгээ шууд солиорой” гэсэн тайлбартай нийтлэлүүд ихээр гарах болсон байна.

Гэвч энэхүү мэдээлэл нь зүгээр л хуурамч мэдээлэл бөгөөд Facebook-ийн “Баярын бичвэр” хэмээх горимыг ашиглаж, бусдыг төөрөгдүүлжээ. Түүнчлэн BFF гэдэг үг нь “Best Friends Forever” буюу Үргэлж сайн найзууд хэмээх үгийн товчлол юм.