Шинэ жилийн баяр дөхөөд караоке, нийтийн цэнгээний газарт хүлээн авалт зохион байгуулахад хугацаа дууссан бараа бүтээгдэхүүнээр үйлчилгээ үзүүлдэг нийтлэг зөрчил гардаг талаар НМХГ-аас тодотголоо. Мөн тавиур дээрээ стандартын архи өрчихөөд хуурамч архи зардаг нь асуудал дагуулдаг байна. Хүнсний дэлгүүрүүд болон гадуур худалдаа наймаа эрхэлж байгаа худалдаачид шинэ жил болохоор хугацаа дууссан бүтээгдэхүүнийг хүүхдүүдийн бэлгэнд боодог зөрчлийг гаргадаг. Шинэ жил дөхөхөөр энэ мэт зөрчил нэмэгддэг талаараа ч дуулгав. Тиймээс бид иргэдэд аль болох стандартад нийцсэн, хаяг шошготой бүтээгдэхүүн худалдан авч, ил задгай худалдаанаас элдэв бараа авахгүй байхыг анхааруулж зөвлөж байна.