БНСУ-д хууль бусаар буюу хараар ажиллаж, амьдарч байгаа иргэдийг албадан гаргахаар болжээ. Ингэхдээ тус улсад хараар ажиллаж амьдарч буй иргэн өөрөө сайн дураар нутаг буцах боломж олгож байгаа аж.

Хэрвээ баривчилгааны үеэр гадаадын иргэдийг хууль бусаар ажиллуулж байсан нь илэрвэл тухайн байгууллагыг 20 сая воноор торгох төдийгүй дахин гадаадын иргэн ажиллуулах эрхийг нь хасах аж.

Одоогийн байдлаар БНСУ-д хууль бусаар ажиллаж, амьдарч байгаа 42 мянган иргэн бий гэсэн дүн байна. Үүнээс хараар ажиллаж буй иргэдийн тоо 10 мянга орчим байдаг тухай албаны хүний хэлсэн тоон баримт бий аж.