Японы мэргэжлийн сумо бөхөд барилддаг Монголын ёкозүна Харүмафүжи нутаг нэгт залуу бөх Таканоиваг зодсон асуудал одоо ч намжаагүй байгаа. Тэгвэл саяхан тус улсын нэгэн метронд Монгол залуус зодолдож буй бичлэг олон нийтийн сүлжээнд тархжээ. Тэдний зодолдсон шалтгаан нь тодорхойгүй байгаа ч бичлэгийг оруулсан Япон иргэн, “Японы метронд хоёр монгол нийлээд нэг монголоо бараг аллаа. Би монголчуудыг маш их гайхдаг хүний газар очихоороо, нэгийгээ дээрэмдэнэ, нийлж зодно, бөөрлөхнө, хутгална, хулхидна, өөр хүн зодож байвал, хараад зогсоно зугтаана! Хөгжихгүй байгаа шалтгаан амиа бодсон зан, ердөө л энэ!” хэмээн бичсэн байна.