Рок поп урлагийн акулууд цуглаж, хуралдсан тухай цахим хуудсанд хэд хоногийн өмнө оруулсан нь сонсогч, фенүүдийнх нь анхаарлыг ихэд татсан. Тэгвэл “Хурд” болон “Никитон” өнөөдөр бас дахин хуралдаж, нэгэн таатай мэдээллийг хамтдаа авхуулсан зурагны хамт цахим хуудсандаа нийтлэжээ. Ийнхүү тэд хамтран “Нүргээн” нэртэй нүсэр тоглолтоо ирэх 12-р сарын 9,10-нд хийхээр болсон байна. Ямартай ч тэд хамтран тоглох болсон нь тодорхой болсон бөгөөд тун удахгүй илүү дэлгэрэнгүй мэдээллийг сонсогч фенүүддээ хүргэх бизээ.