Олимпийн гудамжны моддыг өчигдөр шөнө бүгдийг нь тайрч хаясан гэх мэдээлэл, зураг сошиалаар тархаад буй. Энэ талаар тодруулахад, БНХАУ-ын хөнгөлөлттэй зээлээр Олимпийн гудамжнаас Нарны зам болон төмөр зам дээгүүр Их Монгол улсын гудамж руу буух "Замын цагдаагийн газрын ойролцоо баригдах гүүрэн гарц"-ын ажил эхэлсэнтэй холбоотойгоор ургах боломжтой залуу моддыг өөр тийш нь шилжүүлж, насжилт өндөртэй, үндэс нь гүн суугдсан, сугалж авах боломжгүй моддыг тайрсан аж. 

Гүүрэн гарцын ажил тавдугаар сарын 31-нд эхэлсэн бөгөөд 30 орчим сая ам.долларын хөрөнгөөр босох гүүр аж. Гүүрэн гарцыг 2017-2019 онд барьж ашиглалтад оруулахаар төлөвлөсөн байна.