Цаг агаарын нөхцөл байдалтай холбогдуулан Орхон, Дархан-Уул, Сэлэнгэ аймагт цаг агаарын давагдашгүй нөхцөл байдал үүсч байна. Үүнтэй холбогдуулан хот хооронд зорчиж байгаа иргэдийн аюулгүй байдлын үүднээс"Улаанбаатар төмөр зам" компаниас нэмэлт вагон гаргаж байгаа тухай ЗТХ-ийн дэд сайд Б.Цогтгэрэл мэдээлжээ. 

Ийнхүү ихэнх нутгаар их хэмжээний цас орсноос орон нутгийн чиглэлийн замын зарим хэсэгт үзэгдэх орчин хязгаарлагдах, гулгаа үүсэх зэрэг нөхцөл байдал үүсээд байгаа.Зам тээврийн хөгжлийн яамны удирдлагууд цаг үеийн мэдээллийг шуурхай авч холбогдох удирдлагуудад үүрэг өгч ажиллаж байгаа билээ.