“Авьяаслаг шведүүд” шоунд оролцож, “Алтан баззер”-ын эзэн болж байсан Б.Янжаа “Steve Harvey”-гийн шинэ шоунд оролцсон анхны Монгол хүнээр тодорчээ. Тэрбээр дөрвөн настайдаа ээжийнхээ хамт Шведийг зорьжээ. Одоо тэр 22 настай швед, англи, франц, испани, итали, герман, бразилийн португал, африкийн свахили, япон, хятад зэрэг 14 орны хэлээр ярьдаг.

Б.Янжаа тавилга үйлдвэрлэлийн салбарт дэлхийд тэргүүлэгч IKEA брэндийн 2018 оны загваруудыг багтаасан 328 хуудас бүхий каталогийг ердөө долоо хоногийн хугацаанд цээжилж амжилттай хэлж буй бичлэг олныг гайхшируулж, бахархал төрүүлж чадсан юм. Үүнийг харсан IKEA брэндийн хамт олон түүнийг өнгөрсөн есөн сард брэндийн нүүр царайгаар сонгосон билээ.