Энэ сарын 14-нөөс18-ны өдрүүдэд Арабын нэгдсэн Эмират улсын Абу Даби хотноо зохион байгуулагдсан дэлхийн ур чадварын 44 дэх тэмцээнээс манай улс анх удаа шагнал хүртлээ. Тэмцээнд нийт 77 гишүүн орны 1300 оролцогч, 51 төрлөөр өрсөлдсөн байна. Харин тус тэмцээнд манай улс мужаан, гагнуур, өрөг угсралт, цахилгаан, сантехник, тогооч гэсэн зургаан мэргэжлээр өрсөлдсөн юм. Гагнуурын төрөлд оролцсон Ж.Жанлав-Ойдов дөрөв хоногийн хугацаанд дөрвөн даалгавар гүйцэтгэсэн бөгөөд 737 оноогоор шагналт байрт шалгарчээ.