Хөвсгөл-Улаанбаатар чиглэлд тээвэр эрхэлдэг “Мин транс” компанийн 40 гаруй жолооч нар авто тээврийн “Драгон” төв дээр жагсаал зохион байгуулж байна. Тэд ийнхүү жагсах болсон нь “Авто тээврийн үндэсний төв” энэ оны долдугаар сард байгуулсан хамтран ажиллах гурван жилийн гэрээг  үндэслэлгүйгээр цуцалж, өөр компанийг сонгосонтой холбоотой аж.   

Хөвсгөл-УБ чиглэлд тээвэр хийдэг 80 гаруй автобус байдгаас 40 гаруй нь “Мин транс” компанийн автобуснууд аж. Тус компанийн жолооч нар “Энд туслах жолоочтойгоо нийлээд 100 гаруй жолооч, тэдний ар гэрийнхний амьдрал яригдаж байна. Авто тээврийн үндэсний төв гэрээ цуцлах үндэслэлээ жолоочийн хариуцлага сахилга бат сул, хурд хэтрүүлсэн гэх мэт зүйлсээр тайлбарласан. Манай байгуулага хурд хэтрүүлсэн зэргээр асуудал гаргасан жолооч нартаа тухай бүрд нь байгууллагын дотоод журмаар хариуцлага тооцдог. “Бидний оронд өөр компанийг оруулж ирэхийн тулд гэрээг цуцаллаа” гэж бид үзэж байна гэлээ