Монгол бөхийн өргөөнд Эрчим хүчний салбар үүсэн байгуулагдсаны 95 жилийн ойд зориулсан улс, аймгийн цолтой 256 бөхийн барилдаан энэ бямба гаригт болно. Тус барилдаанд түрүүлсэн бөхийг 10 сая төгрөгөөр шагнах аж.

Энэ нь намрын нээлтээс хойшхи гурав дахь улс, аймгийн цолтой бөхчүүдийн барилдаан юм. 2017-2018 оны улирлын нээлтийн барилдаанд улсын харцага О.Хангай түрүүлсэн бол хоёр хоногийн өмнө МҮОНТ-ийн 50 жилийн ойн барилдаанд харцага М.Бадарч түрүүлээд байна.