Мэргэжлийн хяналтын байгууллагаас наймдугаар сарын 24-нөөс эхлэн Нийслэлийн нутаг дэвсгэрт газраа зориулалтын дагуу ашиглаагүй автомашины худалдаа эрхэлдэг аж ахуйн нэгжүүдэд шаардах хуудас хүргүүлээд буй. Тэгвэл энэ ажлын хүрээнд өчигдөр "Мөнгөн хүлэг" захад шаардах хуудас хүргүүлжээ. Одоогийн байдлаар тус зах гаднах автомашины зогсоолоо бүрэн хааж, дотоод үйл ажиллагаагаа явуулж байгаа аж. Цаашид шаардах хуудас хүргүүлсэн бусад авто захууд тогтоосон хугацаанд үйл ажиллагаагаа зогсоохгүй бол газрын эрхийг нь цуцлах арга хэмжээ авна гэж албаныхан мэдэгдлээ.