Токио хотод болж буй жюү жицү бөхийн насанд хүрэгчдийн Азийн АШТ-нд 20 орны нийт 390 тамирчин өрсөлдөж байгаа юм. Тэмцээний эхний өдөр манай бөхчүүдээс эрэгтэйчүүдийн +100 кг-ын жингийн хөх бүсний ангилалд улсын харцага Ж.Амартүвшин алтан медаль хүртэж, төрийн дуулалаа эгшиглүүлэв. Түүнчлэн эмэгтэйчүүдийн 77 кг-д Т.Отгонзаяа мөнгө, 64 кг-д Б.Сайнжаргал хүрэл медаль хүртлээ.