Хэнтий аймгийн мэргэжлийн хяналтын газраас хагас жилийн байдлаар ажлын хариуцлага алдсан эмч, эмнэлгийн есөн ажилтанд захиргааны хариуцлага тооцсон байна.

Тус аймгийн мэргэжлийн хяналтын газраас Нэгдсэн эмнэлгийн үйл ажиллагаа, эмнэлгийн тусламж үйлчилгээний чиглэлийн шалгалтаар илэрсэн зөрчил дутагдалд 57 заалт бүхий хоёр албан шаардлага, нэг акт хүргүүлжээ. Мөн мэргэжил аргазүйн зөвлөгөө өгсөн бөгөөд зөрчлийг арилгасан талаар гүйцэтгэлийн шалгалт хийхээр төлөвлөөд байгаа аж. Түүнчлэн "Эрүүл мэнд боловсролын хяналтанд-Иргэн таны оролцоо" аяны хүрээнд Хэнтий аймгийн эх барих эмэгтэйчүүдийн тасагт урьдчилан сэргийлэх хяналтыг хийж байгаа аж.