"OOGII" брэндийн үүсгэн байгуулагч О.Оюунцэцэг салбар дэлгүүрээ Японд энэ сарын 07-нд нээхээр болжээ.  Тэрбээр өнгөрсөн гуравдугаар сард "ООGII" брэндээ өөрийн нэрийн товчлолоор нэрлэж, могойн болон үхрийн ширэн цүнх, гутал үйлдвэрлэж эхэлсэн юм. Түүний бизнес Австралид хөлөө олж, хэрэглэгчдэд таашаагдах болсноор ийнхүү зах зээлээ тэлээд байна.  Японд "OOGII" брендийн цүнх гутлаас гадна загварлаг даашинзууд худалдаалагдах аж. Мөн тэрбээр тун удахгүй Улаанбаатар хотод брэндийн дэлгүүрээ нээхээр төлөвлөж байгаа гэнэ.