2017-2018 оны хичээлийн шинэ жилийг угтан Монголын Аутизмын Холбоо "Нарадент" шүдний эмнэлэг, "Майлд косметикс" япон гоо сайхны сүлжээ дэлгүүр хамтран 0-10 насны аутизмтай хүүхдүүдэд шүд, амны хөндийн үзлэгийг үнэ төлбөргүй хийхээр боллоо. Үзлэг энэ ням гарагт буюу наймдугаар сарын 27-нд Нарадент шүдний эмнэлэг дээр явагдана. Үзлэгийн өдөр эцэг эхчүүдэд амны хөндийн эрүүл мэндийн талаар богино хэмжээний сургалт хийхийн зэрэгцээ ирсэн хүүхэд бүрт "Майлд косметикс"-оос хүүхдийн хэрэглээнд тохирсон сойз бэлгэнд өгөх юм байна.