8-р сарын 8

Дундад иргэн улс /1912-1949 одоогийн Хятад/ аав нарын баярын өдрийг 8-р сарын 8-нд албан ёсоор тэмдэглэдэг байжээ. Хятадаар аав гэхийг "ба-ба" (ba-ba，爸爸) харин наймын тоог мөн адил "ба" гэж дууддаг. 8-р сарын 8-н бол "хоёр найм" буюу "ба-ба" (八八, ba-ba) гэж "аав" гэсэн үгтэй адил дуудагддаг учраас энэ өдөр тэмдэглэдэг байжээ. Харин БНХАУ байгуулагдсаны дараа "Аав нарын баярын өдөр"-ийг жил бүрийн 6-р сарын гурав дах ням гарагт албан ёсоор тэмдэглэхээр болсон байдаг. Гэхдээ "ба-ба" уламжлал одоог хүртэл хятад иргэдийн дунд байсаар байдаг. 

Энэ өдрийг Монгол, Тайвань улсууд "Аав нарын баярын өдөр" гэж албан ёсоор тэмдэглэдэг. Манай улс 2003 онд "Монголын эрэгтэйчүүдийн холбоо"-г байгуулж, 2005 оноос хойш “Аав нарын баярын өдөр”-ийг жил бүрийн 8-дугаар сарын 8-нд тэмдэглэхээр болж байжээ.