Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдаанд 512 хүчтэн зодоглосноос Хөвсгөл Аймгийн Тосонцэнгэл сумын харъяат Цэдэвийн Содномдорж ес даван түрүүлж, Монгол Улсын арслан цол хүртсэн билээ.

Арслан цолны мялаалгын наадам өчигдөр /2017.07.27/ Хөвсгөл аймгийн Тосонцэнгэл суманд болсон. Ц.Содномдорж арсланд ангийнхан нь азарга адуу бэлэглэсэн байна. Мөн Ц.Содномдорж арслан бөхийн спорттой амьдралаа холбоход нь чухал нөлөө үзүүлсэн “Монгол газар” клубийн дасгалжуулагч Мөнхсүх багшдаа азарга адуу, 5 сая төгрөг бэлэглэж, хүндэтгэл үзүүлжээ.

Түүнчлэн Улсын арлсан Ц.Содномдоржид аймаг орон нутгийн зүгээс 30 сая Тосонцэнгэл сумын нутгийн зөвлөлөөс 33 сая тус тус бэлэглэжээ.