Унгарын Будапешт хотод усан спортын 2017 оны дэлхийн аварга шалгаруулах тэмцээн энэ сарын 30 хүртэл зохион байгуулагдана. "Орчлон" клубын тамирчин ОУХМ Б.Энххүслэн өчигдөр ДАШТ-ий 50м усан бассейнд 100м мэлхий сэлэлтээр 01:18.70 амжилтаар Монгол Улсын рекордыг шинэчлэн тогтоов. Тус рекордыг 2009 онд "Хангарьд" клубын тамирчин спортын дэд мастер Г.Оюунгэрэл 2009 онд Ром хотод болсон дэлхийн аварга шалгаруулах тэмцээнд 01:23.25 амжилтаар эзэмшиж байсан юм.