Нийслэлийн замын сангийн хөрөнгө оруулалтаар хэрэгжиж байгаа Сүхбаатар дүүргийн тавдугаар хороо, “Өгөөж чихэр боов” ХХК-ийн баруун урд уулзварын өргөтгөл, шинэчлэлтийн ажлыг эхлүүлээд буй. Тэгвэл уг ажилтай холбоотойгоор Өгөөжийн уулзвараас хойш баруун дөрвөн замын уулзвар хүртэлх хэсгийн тээврийн хэрэгслийн хөдөлгөөнийг 2017 оны долдугаар сарын 21-ний өдрийн 22:00 цагаас энэ сарын 22-ны өдрийн 10:00 цаг хүртэл хязгаарлаж цахилгааны шугамын шилжүүлэг, нөөц турба байрлуулах ажил хийгдэх аж.