Монгол Улсын тав дахь Ерөнхийлөгчөөр Халтмаагийн Баттулга сонгогдож энэ сарын 10-нд тангарагаа өргөсөн. Олон нийтийн цахим сүлжээгээр түүнийг Их тэнгэр цогцолборт амьдрахгүй шийдвэр гаргасан талаар мэдээлэл тархсан. Тэгвэл Ерөнхийлөгч Х.Баттулга хуучнаар “Өвлийн ордон” буюу “Маршал харш”-д амьдрахаар болжээ.

Дашрамд сонирхуулахад, Ерөнхийлөгчийн амьдрах өвлийн ордон буюу "Маршал харш"-ыг 1947 онд Маршал Х.Чойбалсанд зориулан барьсан бөгөөд нэгдүгээр дунд сургуулийн зүүн талд байрлах хоёр давхар байр юм. Энэхүү харш нь люкс өрөө 2, хагас люкс өрөө 1, энгийн өрөө 4, нэг ээлжинд 50-80 хүн хүлээн авдаг зоогийн газартай юм байна.