Монгол Улсын Ерөнхийлөгчийн сонгуулийн дахин санал хураалтыг орон даяар өнөөдөр 07.00-22.00 цагийн хооронд явуулна. Тэгвэл саналаа өгсөн иргэдэд бүртгэлийн хуудас олгохгүй байгаа талаар цахим ертөнцөөр тараад буй. Энэ талаар Сонгуулийн ерөнхий хорооноос тодруулахад зарим иргэн бүртгэлийн хуудсаа худалдаж байна гэсэн гомдлыг улс төрийн намын ажиглагчид Сонгуулийн ерөнхий хороонд гаргасан тул хоёр дахь санал хураалтаар бүртгэлийн хуудас олгохгүй байхаар шийдвэр гаргасан аж.