Ахмад настны нийгмийн хамгааллын тухай хуульд нэмэлт өөрчлөлт оруулж “Насны хишиг” олгох хуулийн дагуу Цагаан сар, Үндэсний их баяр наадмын өмнө олгож байхаар болсон юм. Харин үндэсний их баяр наадмын өмнө “Насны хишиг” олгох ажил тун удахгүй эхлэх аж.

Энэ удаад насны хязгаарт нөхцөлүүдийг хангасан ахмадууд харьяа газрынхаа халамжийн мэргэжилтэнд хандах боломжтой. Харин долдугаар сарын 11-нээс хойш төрсөн ахмадууд энэ жил авах боломжгүй юм байна. “Насны хишиг”-ийг 65 ба түүнээс дээш настай ахмадууд авдаг. Өнгөрсөн хоёрдугаар сард 51500 ахмад настанд дөрвөн тэрбум 200 сая төгрөгийн тэтгэмж олгожээ.