Хан-Уул дүүргийн III хорооны нутаг дэвсгэрт байрлах эрчим хүчний дэд станцад энэ сарын 5-нд гал гарсан билээ. Үүний улмаас ХУД-ийн Зайсан, 120 мянгат, үйлдвэр комбинатын орчимд цахилгаан хоёр хоног тасарсан. Тэгвэл дэд станцыг засварлах ажил ид өрнөж байгаа бөгөөд оргил ачааллын үед буюу 17:00-19:00 цагт тус дүүргийн зарим хороодод эрчим хүчний ачааллаа дийлэхгүй байгаа аж. Тиймээс цахилгаан эрчим хүчний гэнэтийн саатал учирч болзошгүйг анхааруулж байна.