МУИС-ийн Хууль зүйн сургуулийн төгсөх курсийн оюутнууд "Өргөө" амаржих газар буюу хуучнаар Нэгдүгээр төрөх эмнэлэгт шаардлагатай байсан хүүхдийн мэс заслын зүсэлтийн коагуляцийн аппарат болон эхоны аппаратыг тус тус хандивлажээ. Нийтдээ 7.5 сая төгрөгний үнэ бүхий эд зүйлсийг хандивлаж байгаа бөгөөд МУИС-ийн Хууль зүйн сургуулийн төгсөх курсын оюутнууд хонхны баярын зардлаа танан төхөөрөмж авахыг төсвийг бүрдүүлсэн байна.

Энэ арга хэмжээ нь тус сургуулийн цаашдаа ч зохион байгуулах уламжлалт арга хэмжээ бөгөөд сүүлийн жилүүдэд хонхны баяраараа үргүй зардал гаргадаг гэсэн нийгэмд тогтсон сэтгэхүйг халж эерэг хандлагыг түгээж бусад их дээд сургуулийн оюутнуудыг баярын өдрөөрөө сайн үйлс хийхийг уриалан дуудсан үндсэн зорилготой аж.