Эхнэр хүүхдээ хөнөөгөөд улмаар өөрийнхөө амийг егүүтгэсэн хэрэг  гарчээ. Тодруулбал, Сонгинохайрхан дүүргийн 26 дугаар хороо буюу Нарангийн энгэрт  оршин суух 40 орчим настай эрэгтэй Х гурван хүүхдээ 38 настай эхнэрийнхээ хамт онц хэрцгийгээр хөнөөгөөд эцэст нь өөрийнхөө амийг егүүтгэсэн байнa. Хүүхдүүд нь 4,6,11 настай байжээ. 

Уг аймшигт хэрэг  өнгөрсөн ням гарагаас даваа гарагт шилжих шөнө болсон бөгөөд үүрийн 05:00 цагийн үед цагдаагийн байгууллагад дуудлага иржээ. Дуудлагыг хэргийн газраас амжиж зугтсан Х-ийн 16 настай дагавар охин нь өгсөн байна. Тэрбэр цагдаагийн байгууллагад болсон явдлын талаар гэрчээр мэдүүлжээ. Хэргийг Сонгинохайрхан дүүргийн Цагдаагийн хэлтэст шалгаж байна.